Aktualitet19 Korrik 2023, 09:30

Nën hetim për shpërdorim detyre dhe korrupsion, arrestohen 2 inspektorët e IKMT në Berat

Shkruar nga Pamfleti

Nën hetim për shpërdorim detyre dhe korrupsion, arrestohen 2

Gjykata e Shkallës së Parë Berat ka caktuar masën “arrest me burg” për 2 inspektorë të IKMT Berat. Konkretisht është caktuar masa e sigurisë arrest me burg për:

40-vjeçarin me iniciale E.B. me detyrë me detyrë inspektor i Mjedisit dhe Pyjeve pranë IKMT Berat, pasi dyshohet se ka konsumuar elemente të veprave penale “Shpërdorimi i detyrës” dhe “Korrupsioni pasiv i personave që kryejnë funksione publike dhe 50-vjeçarin me iniciale A.D. me detyrë inspektor i Mjedisit dhe Pyjeve pranë IKMT Berat, pasi dyshohet se ka konsumuar elemente të veprës penale “Shpërdorimi i detyrës”.

Nga veprimet e kryera gjatë periudhës hetimore dyshohet se inspektorët me veprime ose mosveprime, kanë favorizuar shtetas dhe subjekte të ndryshme të ushtronin veprimtaritë e tyre në kundërshtim me ligjin.

Arrestimi i tyre ka ardhur pas një hetimi 2-vjeçar me metoda proaktive, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Berat, për goditjen e paligjshmërive që kryhen nga personat që ushtrojnë funksione publike.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

arrestohen 2 inspektorët berat