FLASH
Shkruar nga Pamfleti
Një shqiptar është arrestuar nga policia italiane pasi në emrin e tij kishte mbërritur një pako me 10 kg drogë.
Oficerët e Guardia di Finanza të Como, gjatë një kontrolli rrugor me qëllim luftimin e trafikut të paligjshëm, ndaluan një makinë me targa spanjolle në Appiano Gentile. Në automjet ndodheshin tre persona, dy spanjollë dhe një kroat. Të dyshimtë për nervozizmin e tyre dhe mungesën e bagazheve, oficerët vazhduan të kontrollonin automjetin, duke zbuluar brenda saj disa gramë marijuanë, rreth 28 500 euro cash dhe një faturë transporti për një pako që vinte nga Malaga me destinacion Legnano.
Autoriteti Gjyqësor Como, urdhëroi hetimin e thelluar të situatës dhe kërkoi identifikimin e marrësit të pakos. Më pas oficerët kanë kapur dërgesën që arrinte në Itali me korrier dhe në magazinat e këtij të fundit, pasi kanë konfirmuar praninë e lëndës narkotike me ndihmën e njësive të qenit, kanë hapur pakon dhe kanë gjetur 10 kg marijuanë. Me autorizimin e Prokurorisë së Comos, oficerët u maskuan si korrierë dhe organizuan një “dorëzimi të kontrolluar”.
Korrierët shkuan në adresën e marrësit të treguar në pako, që ndodhet në Legnano. Me marrjen e pakos, ata arrestuan marrësin shqiptar dhe sekuestruan të gjithë sasinë e drogës. Më pas, oficerët kontrolluan shtëpinë e shqëiptarit, duke gjetur edhe 20 gramë lëndë narkotike të ndarë në pako dhe gati për shitje, si dhe material paketimi, një peshore dixhitale, një agjendë, një smartphone, dy karta sim dhe 300 euro cash. I arrestuari me origjinë shqiptare duket se banon në Itali pa ushtruar asnjë aktivitet pune. Me urdhër të Autoritetit Gjyqësor Busto Arsizio, ai arrestuari u dërgua në burgun Busto Arsizio.
Lini një Përgjigje