FLASH
Shkruar nga Pamfleti
Një 37-vjeçar nga Kosova është arrestuar nga Policia e Tiranës, pasi dyshohet se ka kërcënuar një 26-vjeçare për përfitim financiar.
Sipas të dhënave, i arrestuari është identifikuar si Hasan Loku.
37-vjeçari i ka kërkuar të resë shumën prej 100 mijë eurosh, duke e kërcënuar se do të publikonte foto intime nëse nuk plotësonte kërkesën.
"Kanosi një shtetase, për t’i dhënë 100 000 euro, që të mos i publikonte në rrjete sociale, foto/video me përmbajtje intime, arrestohet shtetasi kosovar.
Menjëherë pas indicjes se një shtetas kanoste nëpërmjet thirrjeve/mesazheve në një platformë një 26-vjeçare, që t’i jepte 100 000 euro, për të mos i publikuar në rrjete sociale, foto/video me përmbajtje intime, specialistët e Seksionit për Hetimin e Krimeve ndaj Pronës organizuan punën dhe në kuadër të operacionit “Privatësia”, kapën dhe u vunë në pranga autorin e dyshuar të rastit, shtetasin kosovar:
-H. L., 37 vjeç, banues në Kosovë.
Materialet procedurale iu referuan Prokurorisë së Tiranës, për veprime të mëtejshme, për veprën penale “Shtrëngimi me anë të kanosjes ose dhunës për dhënien e pasurisë”, njofton policia.
Sa njerez te mire keta Kosovaret