FLASH
Shkruar nga Pamfleti
Është arrestuar shoferi i kamionit që u përplas me automjetin e 56-vjeçares gjermane e cila humbi jetën si pasojë e aksidentit në aksin rrugor Qafë Thanë-Prrenjas.
Si pasojë e përplasjes së dy automjeteve ka ngelur i lënduar edhe shtetasi me iniciale P.K, i cili ishte pasagjer në makinën e 56-vjeçares.
Shtetasi serb me iniciale S.M., 50 vjeç, i cili po drejtonte kamionin është vënë në pranga nga policia rrugore e Elbasanit.
Njoftimi i policisë:
Në vijim të informacionit paraprak të dhënë pasditen e djeshme, për një aksident në aksin rrugor “Qafë Thanë-Prrenjas”, ju informojmë se specialistët e qarkullimit rrugor të DVP Elbasan arrestuan në flagrancë shtetasin serb S. M., 50 vjeç, pasi kamioni që drejtohej nga 50-vjeçari, është përplasur me automjetin që drejtohej nga shtetasja gjermane U. S., 56 vjeçe.
Si pasojë e këtij aksidenti, ka humbur jetën 56-vjeçarja dhe është dëmtuar shtetasi P. K., pasagjer në automjetin që drejtohej nga kjo shtetase.
Lini një Përgjigje