FLASH
Shkruar nga Pamfleti
Disa detaje të reja janë zbardhur mbi rolet e personave të arrestuar për 4 ngjarje kriminale, që u zbuluan në sajë të një hetimi nga SPAK.
Mësohet se ish-efektivi i policisë, Edmond Preka që prej disa kohësh shërbente si shofer i biznesmenit Pëllumb Gjoka, në vrasjen e Gjin Ndojit dhe atentatin ndaj Kleant Musabelliut kishte rol aktiv.
Në dosjen hetimore të SPAK, evidentohen prova që krijojnë dyshime të arsyeshme se shtetasi Edmond Preka, në vrasjen e Gjon Ndoj (Boriçi), ka ndihmuar autorët e krimit për t’u larguar nga vendi i ngjarjes, pasi i morën jetën shenjestrës me dy plumba në kokë dhe një në shpatull.
Nga hetimet ka dyshime se vrasja e Boriçit dyshohet të jetë kryer nga Behar Bajri dhe klani i tij. Po ashtu në dosjen hetimore rezulton se një tjetër ngjarje ku Preka është përfshirë, është ajo e planit të vrasjes së Kleant Musabelliu, ish-punonjës i drejtorisë së Burgjeve. Preka ka informuar grupin e Ervis Martinajt me foto dhe informacione mbi lëvizjet e shënjestrës, ndërsa ka krijuar kushte për vrasje. Ndërkohë, atentati dështoi në rrethana të pa qartësuara deri më sot nga autoritetet. Ish-oficeri i policisë ka luajtur rolin e informatorit ndaj personave të interesuar për asgjësimin e Musabelliut.
Ky plan, fillimisht në bazë të transkripteve, ishte marrë përsipër nga Behar Bajri. Ky i fundit nga përgjimet rezulton se flet me Gjokën dhe i thotë se kishte gjetur 3 shtetas të huaj, një arab, një nga Kosova dhe një serb. Ata kërkonin 100 mijë euro, teksa Gjoka i thotë që ‘nëse është nevoja jepu më shumë’. Por Bajri del garant duke i thënë që ‘për kaq para do ta bënin vetë’.
Lini një Përgjigje