FLASH
Shkruar nga Pamfleti
Një ngjarje e rëndë ka ndodhur mesditën e sotme në Fier, ku një 21-vjeçar i identifikuar si Hamit Senka dyshohet se është mbytur në kanalin e Pojanit.
Mediat raportojnë se i riu ka qenë duke peshkuar me shokët kur ka rënë nga ura brenda kanalit dhe nuk ka mundur të dalë më. Kanë qenë shokët e tij që kanë njoftuar për zhdukjen e 20-vjeçarit, teksa ende nuk është gjetur trupi i tij.
Në vendngjarje ka mbërritur policia e Fierit si dhe forcat zjarrfikëse dhe po kontrollohet e gjithë gjatësia e kanalit, por ende nuk ka shenja nga i riu.
"Rreth orës 12:40, në fshatin Pojan, dyshohet se duke peshkuar, ka rënë aksidentalisht në kanal dhe është mbytur shtetasi 21 vjeç, banues në Roskovec. Shërbimet e Policisë ndodhen në vendngjarje dhe po punojnë për gjetjen e trupit të 21-vjeçarit. Grupi hetimor po punon për zbardhjen e plotë të rrethanave të ngjarjes", njoftoi policia.
Lini një Përgjigje