FLASH
Shkruar nga Pamfleti
Dita e parë e punës ka rezultuar fatale për një 24-vjeçar shqiptar në Greqi. I riu ka humbur jetën mëngjesin e sotëm në një kantier ku po kryhenin punime për kanalizimin e ujërave të zeza.
Ngjarja ka ndodhur në Agrini të Greqisë ku sipas "Protothema", i riu nuk ishte punonjës i bashkisë por staf i firmës që po kryente punimet. I riu shqiptar e kishte ditën e parë të punës ditën që edhe u nda nga jeta.
Informacionet bëjnë me dije se ai mund të jetë përplasur nga një ekskavator por rrethanat e sakta të vdekjes së tij akoma nuk dihen.
Menjëherë në vendngjarje ka mbërritur autoambulanca e cila ka transportuar punëtorin e plagosur në spitalin e Agrinit, por fatkeqësisht nuk i ka mbijetuar plagëve të marra.
Lini një Përgjigje