FLASH
Shkruar nga Pamfleti
Zbardhet identiteti i autorit të dyshuar të një serie grabitjesh që tronditën sot pasdite aksin Tiranë–Fushë Krujë–Milot. Bëhet fjalë për Emiliano Nikollin, i njohur edhe me emrin Emiliano Lleshi, banues në Mamurras, tashmë shpallur në kërkim aktiv.
Sipas burimeve zyrtare, ai është i njëjti person që ka përdorur një skemë të përsëritur mashtrimi, duke porositur taksi dhe më pas duke grabitur drejtuesit nën kërcënimin e armës.
Sipas hetimeve, Nikolli mori një taksi në zonën e Tajvanit në Tiranë me destinacion të supozuar Fushë-Krujën. Teksa u afrua në zonën e Tapizës, ai nxori një armë zjarri, kërcënoi taksistin dhe mori kontrollin e automjetit. Pasi e largoi fizikisht drejtuesin në një zonë të thellë, i mori telefonin dhe paratë, duke vijuar rrugën me makinën e rrëmbyer.
Krimi nuk ndaloi këtu. Autori shkoi më pas në një pikë karburanti në afërsi të Milotit, ku me të njëjtën armë kërcënoi punonjësin dhe i mori xhiron ditore. Të njëjtën taktikë kishte përdorur edhe në fund të muajit dhjetor, në një tjetër grabitje ndaj një taksisti nga Tirana.
Pas grabitjeve, mjeti i përdorur u gjet i braktisur pranë një xhamie në Fushë-Krujë, ndërsa autori është ende në arrati dhe konsiderohet i armatosur dhe i rrezikshëm. Policia ka shpërndarë identitetin dhe foton e tij për të ndihmuar në lokalizimin.
Vetem emri i ktij sheikut nuk e ndihmon komunitetin e taxixhinjve, na duhet edhe foto, se mbase kemi fatin e na vjen prap si klient nga para makines dhe i japim akomodim special, shtrrire (ose horizontal) per ne destinacion.