FLASH
Shkruar nga Pamfleti
Një 53-vjeçar ka rënë në prangat e policisë në Tiranë, pasi ishte dënuar me 4 vite burg për mashtrim.
Uniformat blu bëjnë me dije se bëhet fjalë për Andi Alimehmetin. Ky i fundit akuzohet se ka mashtruar një grua, duke i marrë 270 mijë euro, duke mashtruar se do ta bënte bashkëpronare në një agjenci turistike që kishte në pronësi.
"Shërbimet e Seksionit të Kërkimit në DVP Tiranë, në vijim të punës për lokalizimin, kapjen dhe vënien përpara përgjegjësisë penale të shtetasve të shpallur në kërkim, bazuar dhe në informacionet e siguruara në rrugë operative, për vendndodhjen e një shtetasi të shpallur në kërkim, organizuan dhe finalizuan operacionin policor të koduar "Trick".
Si rezultat i këtij operacioni, në Pezë, u kap shtetasi në kërkim Andi Alimehmeti, 53 vjeç, banues në Tiranë. Ky shtetas ishte shpallur në kërkim pasi Gjykata e Apelit Tiranë e ka dënuar me 4 vjet burgim, për veprën penale ‘Mashtrimi’.
53-vjeçari i ka marrë një shtetaseje, shumën 270 000 euro, duke e mashtruar atë se do ta bënte bashkëpunëtore në një agjenci turistike që kishte në pronësi. Materialet procedurale i kaluan Prokurorisë, për veprime të mëtejshme.", njofton policia.
Lini një Përgjigje