
Një plagosje e dyfishtë ka ndodhur paraditen e sotme në Rrogozhinë, si pasojë e të shtënave me armë zjarri.
Nga raportimet mësohet se Sami dhe Nadire Disha, burrë e grua, janë qëlluar me armë nga fqinji i tyre.
Ngjarja ka ndodhur në Gosë të Rrogozhinës pas një sherri që ka pasur mes fqinjëve, që ka precipituar në përdorimin e armës. Mësohet se çifti i bashkëshortëve u qëlluan me një çifte nga fqinji i tyre, Shpëtim Osma, i cili është dorëzuar pas ndjekjes nga policia.
Raportohet se Sami Disha është plagosur në këmbë, ndërsa gruaja e tij ka plagë në bark.
Policia ka nisur hetimet lidhur me ngjarjen.
Lini një Përgjigje