FLASH
Shkruar nga Pamfleti
Forca të shumta policie janë vendosur vetëm pak momente më parë në zonën e njohur si “Ali Demi” në kryeqytet.
Raportohet se ka ndodhur një sherr mes disa personave në zonën e Ali Demit, Tiranë.
Bëhet me dije se konflikti ka ndodhur afër zyrave të PSD-ës.
"Rreth orës 14:00, në sallën operative të DVP Tiranë ka ardhur një telefonatë se në rrugën “Ali Demi” kishte një konflikt midis disa shtetasish, në ambientet e një zyre elektorale.
Gjatë këqyrjes së vendit të ngjarjes, është konstatuar i dëmtuar dyshohet me sende të forta xhami i zyrës së subjektit elektoral.
Po nga këqyrja e vendit të ngjarjes, janë konstatuar dy fishekë luftarak të paplasur.
Menjëherë në vendin e ngjarjes, kanë shkuar forca të shumta policie dhe grupi hetimor. Vijon puna për identifikimin dhe kapjen e shtetasve të përfshirë në konflikt, të cilët janë larguar nga vendi i ngjarjes me një automjet.
Në drejtimin e Prokurorisë vijon puna për zbardhjen e motivit të konfliktit dhe dokumentimin e rrethanave të rastit", njofton policia.
Lini një Përgjigje