FLASH
Shkruar nga Pamfleti
Një 32-vjeçar ka rënë në prangat e policisë, pasi qarkullonte me armë në makinë.
Sipas policisë, i arrestuari është Klevi Prodani, i cili rezulton person me precedentë të mëparshëm penal në fushën e narkotikëve dhe vjedhjes.
Gjatë kontrollit fizik të 32-vjeçarit në rrugën ‘5 Maji’, shërbimet e Policisë i gjetën 1 armë zjarri pistoletë, e cila u sekuestrua në cilësinë e provës materiale.
"Shërbimet e Komisariatit të Policisë Nr. 4 kanë finalizuar me sukses operacionin policor me emër koduar “The Walker”, pas marrjes së informacionit se një person po qarkullonte me armë zjarri.
Si rezultat i këtij operacioni u arrestua shtetasi K. P., 32 vjeç, banues në Tiranë, i cili rezulton i dënuar më parë për prodhim dhe shitje narkotikësh dhe vjedhje.
Gjatë kontrollit fizik në zonën e rrugës ‘5 Maji’, trupa policore i gjeti 32-vjeçarit një armë zjarri pistoletë, e cila u sekuestrua si provë materiale", njofton policia.
Lini një Përgjigje