FLASH
Shkruar nga Pamfleti
GJKKO ka lënë në burg vëllezërit Kristi dhe Aleksandër Bushgjokaj, të akuzuar për rrëmbimin dhe vrasjen e të riut, Renis Dobra, trupin e të cilit e hodhën në liqenin e Shkopetit.
Bëhet me dije se akuzuarit e tjerë Petrit Hoxha dhe Fatjon Bushgjokaj, nuk u paraqitën para gjykatës dhe verifikimi i masës së tyre është lënë në një tjetër ditë.
Në seancën me dyer të mbyllura, avokatët e dy vëllezërve kanë pretenduar se kanë kaluar afatet ligjore nga shpallja e mos kompetencës nga gjykata e Dibrës dhe dorëzimi i dosjes në gjykatën Posaçme kundër Korrupsionit dhe Krimit të Organizuar.
Mësohet se kërkesa e tyre nuk është marrë parasysh, ndërsa nga ana tjetër dy vëllezërit kanë mohuar akuzat.
Avokatët e të dyshuarve, i janë drejtuar Gjykatës me pyetjen se cilat janë arsyet e ngritje së akuzës ndaj tyre për grup kriminal dhe sipas hetimeve, cila ka qenë arsyeja që ata rrëmbyen viktimën.
Lini një Përgjigje