FLASH
Shkruar nga Pamfleti
Tre shqiptarë, të akuzuar si anëtarë të grupeve kriminale janë ekstraduar nga Shqipëria në Itali.
Bëhet fjalë për një 40 vjeçar, i akuzuar nga Gjykata e Breshias për veprën penale “Trafikimi i lëndëve narkotike”, kryer në kuadër të organizatës kriminale;
Për një 41-vjeçar, i cili akuzohet nga Gjykata e Breshias, për veprën penale “Trafikimi i lëndëve narkotike”, kryer në kuadër të organizatës kriminale;
Ndërsa shqiptari i tretë u ekstradua për llogari të Italisë është dhe një 33-vjerçar, i cili pasi akuzohet nga Gjykata e Milanos, për veprën penale “Vjedhja në rrethana rënduese”, kryer në kuadër të organizatës kriminale.
Tre të akuzuarit janë dorëzuar nën pranga në aeroportin e Rinasit në Tiranë ditën e sotme dhe u nisën me avion drejt Italisë, për llogari të drejtësisë së vendit fqinj.
“Interpol Tirana dhe Policia e Shtetit informuan se në bashkëpunim dhe me Interpol Romën, u finalizuan në kuadër të operacionit policor ndërkombëtar të koduar “The Wanted”, procedurat për ekstradimin nga Shqipëria për në Itali të 3 shqiptarëve.
Të ekstraduarit janë E. D., 40 vjeç, pasi akuzohet nga Gjykata e Breshias, për veprën penale “trafikimi i lëndëve narkotike”, kryer në kuadër të organizatës kriminale; E. Zh., 41 vjeç, po për veprën penale “trafikimi i lëndëve narkotike”, kryer në kuadër të organizatës kriminale; nga kjo gjykatë dhe K. N., 33 vjeç, nga Gjykata e Milanos, për veprën penale “vjedhja në rrethana rënduese”, kryer në kuadër të organizatës kriminale”, thuhet në njoftimin e policisë.
Lini një Përgjigje