FLASH
Shkruar nga Pamfleti
Naun Shundi do të përcillet për në banesën e fundit ditën e premte. Në nder të aktorit që u nda sot nga jeta, do të zhvillohen nesër homazhe te “Arturbina”.
Në gati pesë dekada krijimtari, Shundi la gjurmë në skenë dhe ekran; nga rolet në “Vdekje me porosi”, “Shtëpia me dy porta” e “Vizita e damës plakë”, deri te dramat që vetë shkroi e vuri në skenë. Pas shembjes së Teatrit Kombëtar, ai nuk u tërhoq si shumë të tjerë – përkundrazi, ngriti një teatër dhome në oborrin e shtëpisë së tij dhe e quajti “Zonja e Bujtinës”, një strehë për autorë të rinj, për dramaturgjinë shqipe dhe për publikun që nuk dorëzohet.
Shfaqja e tij e fundit, “Njeriu i Pyllit”, trajtonte me thellësi çështje të ekzistencës, jetës e vdekjes – një reflektim i qartë i betejës së tij personale me sëmundjen. Pas diagnozës me kancer të lëkurës, ai u trajtua fillimisht në Francë dhe më pas në QSUT, me mbështetje nga Ministria e Shëndetësisë dhe ajo e Kulturës, por mbi të gjitha me solidaritetin e publikut dhe komunitetit artistik.
Karriera
Naun Shundi, ishte regjisor, dramaturg, aktor i më shumë se 100 roleve në teatër dhe 20 në film, ndërsa ka kaluar më shumë se 46 vite në Teatrin Kombëtar.
Në 1977 diplomohet regjisor në shkollën e Mesme të Kulturës. Në 1983 diplomohet aktor në Institutin e Lartë të Arteve (sot Akademia e Arteve). Emërohet aktor në Teatrin Kombëtar. Në 1985 transferohet si regjisor në Pallatin e Kulturës “Dardania” në Bajram Curri. Në 1986 rikthehet në Teatrin Kombëtar. 1993-2000 emërohet Pedagog i mjeshtërisë së aktorit, regjisurës dhe fjalës artistike në degën e regjisë, Akademia e Arteve. 1995 – Specializim për regji pranë Teatrit Kombëtar Bukuresht dhe Katedrës së Regjisë në Akademinë e Teatrit e të Filmit në Bukuresht. Aktualisht aktor në Teatrin Kombëtar të Shqipërisë.
Rolet :
Ka kryer rreth 60 role prej të cilave mund të përmendim:
1983 – “Përballë vetes” (Ruzhdi Pulaha, Dhimitër Pecani)
1989 – Linke – “Kryqi i Bardhë “ (Breht, Kumbaro)
1990 – Çezari – “Natë me hënë” (Budina)
1991 – Luixhi – “Zgjimi” (Marko, Budina)
1991 – Ezopi – “Ezopi” (Figereida, Pecani)
1992 – Aldo – “Kush vjedh një këmbë, ka fat në dashuri” (Fo, Kutali)
1992 – Shtefan – “Loja e Pushimeve” (Sebastian, Kutali)
1993 – Fando – “Fando e Lis” (Arrabal, Qiriaqi
1993 – Urani – “Zoti godet me putër” (Bezhani, Kame – Teatri Bylis-Fier)
1994 – Martin – “Këngëtarja tullace” (Jonesko, Qiriaqi)
1995 – Bepe, Damian – “Oportunesku” (Mushatesku, Manolesku)
1995 – Skulptori – “Tiranozauri” (Trebeshina, Kame)
1996 – Aktori – “Në katin e dytë është parajsa” (Bezhani)
1998 – “Kopshti me dallendyshe” (Babis Cilkiropulos, Kiço Londo – Teatri Kombëtar)
1999 – Doktori Arshambo – “Darka e të marrëve” (Kame)
“Frike dhe mjerim në rajhun e tretë” (Breht)
“Si e mposhta Musolinin” (Haqif Mulliqi)
“Jo të gjithë hajdutët vijnë për të vjedhur” (Breht, Publimedia)
“Shtrigat e Salemit” (Spiro Duni, Teatri Kombëtar)
2006 – “Drejt perendimit”
2007 – “Kontrata” (Mrozhek)
2008 – “Fishkëllime në errësirë” (Spiro Duni)
Film i Fatmir Koçi-t, “Berberi”
“Darka e gabuar” (Fatos Haxhiraj)
“Zoopark” (Milto Kutali)
“Mysafiri i mallkuar” (Ilir Bezhani)
2010 –“Një tablo absurde” (Hysi, Milto Kutali)
2012 “Ëndrra e Ismail Qemalit” në rolin e Faik Konicës (Spiro Duni, Teatri Kombëtar)
2012 – “Henry IV (Globe to Globe, Ëorld Shakespeare Festival 2012)
2014 – “Liri në Bremen” (Fassbinder – Teatri Kombëtar)
2016 – “Tri Motrat“ (Teatri Kombëtar)
Lini një Përgjigje