Kulture18 Nëntor 2023, 17:47

Panairi i Librit 2023, Kadare: Shkrimi më ka çliruar nga vdekja

Shkruar nga Pamfleti

Panairi i Librit 2023, Kadare: Shkrimi më ka çliruar nga vdekja

Shkrimtari i njohur Ismail Kadare ka marrë pjesë në Panairin e Librit, ku ka dhënë përgjigje për pyetjet e bëra nga gazetarë. I shoqëruar nga bashkëshortja, Kadare gjithashtu këtë vit kremton dhe 7 dekada krijimtari. I pyetur nga gazetarët, ai u shpreh se ndihet i gëzuar që sheh gjithnjë lexues pranë tij, e veçanërisht lexuesin kosovar.

Ndonëse frika më e madhe për njeriun është vdekja për shkrimtarin kjo frikë mposhtet përmes veprave.

“Kur bën diçka që e di që nuk vdes, nuk ke frikë se ajo që quhet frikë është vdekja. Kur shkrimtari shkruan, ai çlirohet nga vdekja dhe kupton që jeta është e pafundme”, tha Kadare.

Gjeniu i letrave shqipe sot 87 vjeç u paraqit para lexuesve dashamirës të tij, ndërsa nënshkroi librat e tij. Botuesi tha se ka përmbledhur veprën e plotë të tij në përvjetor të 70 të shkrimeve të Ismail Kadaresë.

Shkrimet ia kanë hequr frikën në çdo kohë, e çdo regjim, pasi sipas gjeniut të letrave shqipe kush shkruan nuk ka frikë.

kadare panairi i librit shkrimtari