FLASH
Shkruar nga Pamfleti
Anëtari i Kryesisë së Partisë Demokratike, Belind Këlliçi, ka reaguar lidhur me shkarkimin e kryetares së Urdhrit të Psikologut, Valbona Treskës.
Këlliçi tha se ajo ka kryer qoka politike gjatë fushatës së fundit elektorale duke lënë kështu administrimin e urdhrit.
Pas një mbledhje të gjatë të mbajtur ditën e djeshme nga Asambleja e Jashtëzakonshme e Urdhrit të Psikologut, u vendos largimi i Valbona Treskës, e akuzuar për shumë abuzime.
“Pas traumës emocionale që pësoi nga posteri im elektoral kundër korrupsionit, mësohet se presidentja e Urdhrit të Psikologut ka pësuar dje një tjetër tronditje të fortë.
Është shkarkuar njëzëri nga kolegët e saj. Janë 20 pika ku kolegët adresojnë të gjithë keqadministrimin e urdhrit. E shkarkuara gjeti kohën për qoka politike në fushatë elektorale, por la pas dore administrimin e urdhrit.
Uroj që stresi post-traumatik të kalojë lehtë dhe nën kujdesin e profesionistëve!
Kjo ngjarje e djeshme në Urdhrin e Psikologut, më sjell në vëmendje një rast analog. Një tjetër i shkarkuar endet nëpër Tiranë, e u thotë njerëzve jam kryetar e do bëhem kryeministër…”, shkruan Këlliçi në Facebook.
Lini një Përgjigje