FLASH
Shkruar nga Pamfleti
Mbledhja e qeverisë sot, Troplinët marrin në dorë bregdetin
Pavarësisht se në mediat ndërkombëtare pretendon se nuk ka narko-shtet në Shqipëri, kur vjen puna te firmat, kryeministri Edi Rama vijon tu japë ofiqe personave që kanë lidhje me individë me precedentë penalë.
Në mbledhjen e sotme të qeverisë, është emëruar kreu i ri i Agjencisë Shtetërore të Bregdetit. Në krye të kësaj drejtorie u emërua Xheni Beqaj. Ky i fundit ka qenë më parë drejtor i Targave dhe Patentave, si dhe inspektor në Agjencinë e Mjedisit.
Por pse është zgjedhur pikërisht ai të drejtojë Agjencinë e Bregdetit? Beqaj rezulton të jetë kunati i Fatmir Troplinit, një individ me precedentë penalë i njohur në zonën e Durrësit, pjesë e familjes Troplini.
Emri i tij u përmend në dosjen e operacionit "Revanshi" fillimisht dhe më pas te operacioni “Ura”, i cili u zhvillua mes SPAK dhe autoriteteve italiane.
Te dosja “Revanshi”, Fatmir Troplini në disa episode flet me Arben Mërkurin për të gjetur një vrasës me pagesë për Elson Reçin. Shënjestra e tyre ka qenë Preng Gjini, të cilit iu vendos tritol poshtë makinës së tij. Ndaj tij, Struktura e Posaçme kundër Korrupsionit dhe Krimit të Organizuar ka ngritur akuzat: "sigurimi; kushteve dhe i mjeteve materiale për të kryer vrasje", në dëm të Preng Gjinit; "grup i strukturuar kriminal" dhe "pjesëmarrje në grup të strukturuar kriminal".
Sa i takon Agjencisë së Bregdetit, ajo u krijua në vitin 2014, me qëllim për të arritur një menaxhim dhe mbrojtje më të mirë të pasurive natyrore bregdetare si dhe promovimin e vendit si destinacion turistik.
AKB-ja ka për mision mbrojtjen dhe zhvillimin e një mjedisi të qëndrueshëm të zonës bregdetare, nëpërmjet monitorimit dhe kontrollit të të gjithë potencialit ekzistues të zonës bregdetare e detare dhe pasurive mjedisore që përfshihen brenda saj, si dhe kontrollin e veprimtarive turistike në të gjithë territorin e Republikës së Shqipërisë në funksion të zhvillimit të qëndrueshëm të turizmit.
Si duket tani Troplinët nuk do të kenë vetëm Portin e Durrësit, por edhe gjithë bregdetin. /Pamfleti
Eshte rastesi, cne ai t'i bej ato gjera?!
Po pra, po pse keto rastesi gjithnje i ndodhin ketij.
Asgjë të dobishme nuk mund të thuhet për një ngjarje të tillë!!
Me keto bema qe ka ne kurriz duhet ta kishim detyruar me protesta qytetare te fuqishme te largohej.E pate Bullgarine pardje?E zbythèn qeverine
Lereni morre "qeratucer" djalin. Vetem ca kokrra do haje ai, biles ai nuk i ha, por i merr per ti ruajtur ne shtepi ose per t'ua fale atyre qe s'kane.