Politike 8 Qershor 2023, 07:57

Kreshnik Spahiu shpjegon përplasjet në PD: Kanë nisur ethet për të qenë deputet brenda partisë

Shkruar nga Pamfleti

Kreshnik Spahiu shpjegon përplasjet në PD: Kanë nisur ethet

Juristi Kreshnik Spahiu ka deklaruar se tashmë kanë nisur ethet për të qenë deputet brenda Partisë Demokratike.

I ftuar në Euronews Albania, Spahiu tha se ka një shpjegim për luftën që ka nisur. Më tej ai shtoi se PD do të mbahet mend si një parti e cila ka sjellë demokracinë por është e paaftë për të nxjerrë kandidatë.

Spahiu tha gjithashtu se konflikti në PD, kanë ndodhur pasi sipas tij, kryetarët e degëve duan t’i fusin bërrylin këtyre deputetëve që të jenë në listat për deputet.

“Çuditërisht ata që janë kundër zgjedhjes së kryetarit sot duhet ta kishin zgjidhur këtë histori që më 6 mars të vitit 2021, kur Lulzim Basha dha dorëheqjen. Lanë një parti pa kryetar për 1 vit e gjysmë, e lanë me një person të komanduar dhe s’jepnin as shpjegime, nuk bënin as analizë, nuk arsyetonin as në media, as në parti se pse kjo parti funksiononte kështu deri në momentin e zgjedhjeve që ky grup deputetësh ishin tërësisht të paqartë se çfarë do bënin për hyrjen apo jo në zgjedhje dhe Partia Demokratike do të mbahet mend si e paprecedentë në histori që një parti e cila ka sjellë demokracinë, ka qenë edhe 16 vite në pushtet, ka dhe 33 vite në politikë të jetë e paaftë për të nxjerrë kandidatë.

Kush del garant që kjo parti pa kryetar do e sjelli në pushtet dhe anasjelltas? Ka ndonjë garanci që i bashkon. Tani kemi hyrë në procesin që pas 1 viti e gjysmë bëhen listat e deputetëve dhe kanë filluar ethet dhe e di çfarë është konflikti i djeshëm? Ata kryetarët e degëve duan t’i fusin bërrylin këtyre deputetëve që të jenë në listat për deputet”, përfundoi Spahiu.

kreshnik spahiu pd perplasje