FLASH
Shkruar nga Pamfleti
Në Njësinë 5 të Tiranës, prej orës 22:00 është pezulluar procesi i numërimit të votave. Shkaku, sipas zyrtarëve të KZAZ-së, është lodhja e numëruesve të Partisë Demokratike, të cilët janë larguar për t’u ushqyer. Ndërkohë, përfaqësuesit e Partisë Socialiste vijojnë të qëndrojnë në tavolinat e numërimit në pritje të rifillimit të procesit.
Ky zhvillim ka ngritur pikëpyetje në lidhje me organizimin dhe përgatitjen e opozitës për të përballuar një proces zgjedhor kaq të rëndësishëm, në një zonë ku rezultati mund të ndikojë balancat e përgjithshme politike.
Deri në momentin e ndërprerjes, janë numëruar 44 kuti nga 96 në total. Rezultatet paraprake tregojnë një avantazh të dukshëm për Partinë Socialiste:
PS – 7,570 vota
PD – 4,538 vota
Mundësia – 1,113 vota
Lëvizja Bashkë – 725 vota
Nisma / Shqipëria Bëhet – 535 vota
PSD – 334 vota
Aleanca Euroatlantike – 203 vota
Rikthimi i procesit të numërimit pritet brenda pak orësh, megjithëse mbetet e paqartë nëse do të ketë ritëm të mjaftueshëm për të përfunduar në afatet e përcaktuara.
Lini një Përgjigje