FLASH
Shkruar nga Pamfleti
Largimi i Marjana Koçekut nga grupi parlamentar i Partisë Socialiste dhe vendimi i saj për të mbajtur mandatin si deputete e pavarur ka hapur debat në radhët e socialistëve, ku reagimet e para kanë ardhur nga përfaqësues të brezit të ri të kësaj force politike.
Një prej tyre është Helena Kaçe, studentja që mori vëmendje publike pas hapjes së Kongresit të Partisë Socialiste, ku kryeministri Edi Rama e prezantoi si një nga emrat që përfaqësojnë gjeneratën e re në PS.
Në një reagim në rrjetet sociale, Kaçe e cilësoi vendimin e Koçekut të papajtueshëm me mandatin që ajo mori nën siglën e Partisë Socialiste. Sipas saj, largimi nga një forcë politike duhet të shoqërohet edhe me dorëzimin e mandatit parlamentar, nëse deputeti nuk ndan më të njëjtat qëndrime me subjektin që e kandidoi.
Kaçe argumentoi se pavarësia politike nuk mund të nisë vetëm me dorëzimin e teserës së partisë, ndërkohë që mandati parlamentar mbahet. Ajo theksoi se, nëse idealet e një deputeti nuk përputhen më me forcën politike ku është zgjedhur, hapi më korrekt është kthimi i mandatit tek ata që i dhanë besimin elektoral. Në fund të reagimit, ajo i uroi Koçekut suksese në rrugëtimin e saj politik si e pavarur.
Qëndrim të ngjashëm mbajti edhe Alfred Muharremi, një tjetër përfaqësues i brezit të ri të socialistëve. Ai pranoi të drejtën e Koçekut për të ndjekur një kauzë tjetër politike, por vuri në diskutim momentin kur ajo zgjodhi të largohej nga grupi parlamentar i PS-së.
Sipas Muharremit, çështjet që Koçeku deklaron se do të mbrojë tashmë si deputete e pavarur nuk janë të reja dhe kanë qenë të njohura edhe më herët. Ai shtoi se deputetja ka pasur hapësirë t’i ngrejë këto qëndrime nga foltorja e Kuvendit, gjatë kohës që ishte pjesë e grupit socialist.
Muharremi theksoi se dorëzimi i teserës nuk mjafton për ta përmbyllur politikisht largimin nga Partia Socialiste. Sipas tij, nëse një deputet nuk e përfaqëson më forcën politike me të cilën ka marrë mandatin, atëherë duhet të heqë dorë edhe nga mandati parlamentar.
Ai e lidhi këtë qëndrim me parimin e përfaqësimit politik, duke argumentuar se mandati nuk është vetëm akt individual, por edhe rezultat i besimit të qytetarëve dhe i siglës së partisë nën të cilën kandidati është zgjedhur.
Marjana Koçeku njoftoi të dielën largimin nga grupi parlamentar i Partisë Socialiste dhe vijimin e aktivitetit politik si deputete e pavarur. Vendimi i saj ka prodhuar debat brenda kampit socialist, veçanërisht mbi çështjen nëse largimi nga partia duhet të shoqërohet edhe me dorëzimin e mandatit në Kuvend.
Keta "deputetet" qe flasin qesim kunder Kocekut, jane idiote qe shpejt do jene parazite ne shtepi..pa pune
per gomeret dhe gomaricat e reja te rilindjes qe lepijne bolet e Rames,,,nese neomalsorja do te ishte zgjedhur fillimisht si kandidate per deputete me nje gare brenda PS ku anetaresia te votonte per emrat-kandidaturat qe do te garonin ne zgjedhje per kuvend, atehere po, ajo duhet te linte mandatin. Nese neomalsorja me emrin e saj-pavaresisht sigles morri 10 mije vota populli qe e cuan ne kuvend atehere mandati eshte i saj. Letyrat e reja te politikes shqiptare qe e ngrejne karrieren me lepirjen e boleve te kryetarit me mire te qepin gojen e mos bejne filozofin,brez legen.
POOO!!! Sepse vetem Rama i emeron deputetet ketu, prandaj duhet ndryshuar kodi zgjedhor qe te votohen deputetetet ne menyre qe te kene zerin e tyre dhe mos te behen notere te Rames!