FLASH
Shkruar nga Pamfleti
Sali Berisha, kreu i PD-së, dhe Gazment Bardhi, kryetar i Grupit parlamentar, i janë drejtuar me një apel qytetarëve për t’iu bashkuar protestës së thirrur nga opozita në bulevardin Dëshmorët e Kombit.
Në një postim në rrjetet sociale, Berisha i kërkon qytetarëve që t’i bashkohen asaj që e konsideron si kryengritja e fitores.
“Të gjithë në ora 17:00, në Tiranë, në kryengritjen paqësore, kryengritjen e fitores, kryengritjen e të ardhmes, kryengritjen për Europën”, shprehet Berisha.
Ndërkohë një mesazh të ngjashëm ka shpërndarë edhe kreu i Grupit Parlamentar të PD-së.
“E martë, datë 10 Shkurt, ora 17:00, të gjithë bashkë në Tiranë, përpara Kryeministrisë, në protestën kombëtare, kundër qeverisë më të korruptuar në Europë dhe më gjerë”, shkruan Gazment Bardhi.
Kjo është protesta e dytë kombëtare në harkun kohor të dy javëve që opozita e drejtuar nga Partia Demokratike ka thirrur kundër asaj që e konsideron si regjimi i Edi Ramës.
Kjo bande kriminelesh duhet te gjeje vendin e merituar, pasi po ndyjne edhe rruget.