FLASH
Shkruar nga Pamfleti
Avokati Spartak Ngjela ka folur në lidhje me paralajmërimin nga SHBA se të tjerë emra do shpallen “non grata” në rajonin e Ballkanit Perëndimor.
Ishte i dërguari i SHBA për Ballkanin Perëndimor, Escobar i cili paralajmëroi se persona të tjerë që do shpallen non-grata nga shteti amerikan.
Ngjela tha se kjo gjë pritet pasi në Shqipëri ka një nivel të lartë korrupsioni.
“Ai foli për Ballkanin Perëndimor, mund edhe të ketë. Ne e kemi një non-grata, kemi dhe disa që janë ish-ministra. Ata mund të nxjerrin emra, por problemi jonë është se ne nuk kemi një opinion publik. Opinioni publik tek ne është në heshtje. Ai e ndalon dhe korrupsionin shtetëror, por tek ne është në heshtje”, tha avokati Spartak Ngjela për “Zona Zero”.
Kujtojmë që dy ditë më parë Escobar u shpreh se korrupsioni në Ballkan është një problem i madh në këtë rajon. Ai shtoi se SHBA kërkon që të shohë rrugën europiane të hapur për të gjitha vendet e Ballkanit Perëndimor.
“Korrupsioni është një problem i madh në të gjithë rajonin. Jam i lumtur të shoh se gjatë procesit të anëtarësimit fokusi është në sundimin e ligjit si kusht për anëtarësim në BE”, tha Escobar.
Lini një Përgjigje