FLASH
Shkruar nga Pamfleti
Kryeministri Rama ka publikuar një video nga shembja e një ndërtimi pa leje në Vlorë.
Përpos videos ai ka shkruar se pamjet shkojnë “për ata që kanë merakun e gabuar se s’po ndëshkohen shkelësit e mëdhenj”.
Rama paralajmëron edhe pakon e re të masave për ata që shkelin rregullat. Ai thekson se do të ndëshkohen të gjithë ata që kapen në paligjshmëri.
“Kjo video është për ata që kanë merakun e gabuar se s’po ndëshkohen shkelësit e mëdhenj, si edhe për të ritheksuar faktin që kjo ngrehinë këtu nuk është as e pari e as e fundit që rrafshohet për paligjshmëri, ndërkohë që të tjera procese sekuestrimesh po bëhen në Vlorë e jo vetëm, për shkelje brutale të lejeve të ndërtimit.
Njëkohësisht pakoja e re e masave që do të miratojmë së shpejti do të jetë një mesazh i qartë për të gjithë, ata që shkelin ligjin duke lënduar mjedisin e përbashkët po edhe ata që mbyllin sytë përpara shkelësve”, shkruan ai.
Lini një Përgjigje