FLASH
Shkruar nga Pamfleti
Ambasada e BE reagon për reformimin e Kuvendit...
Deputetët e mazhorancës në Kuvendin e Shqipërisë kanë propozuar për shkrirjen e Komisionit Parlamentar të Integrimit Europian dhe për ta përfshirë atë brenda Komisionit Parlamentar për Politikën e Jashtme. Po ashtu bashkë me të do të shkrihen dhe reformohen disa komisione të tjera.
Por duket se ky proces po monitorohet nga Bashkimi Europian. Ky i fundit ka reaguar për gazetarin Osman Stafa.
Përmes disa pyetjeve drejtuar delegacionit të BE-së, Stafa kërkoi informacion nëse Delegacioni i BE-së është dakord me shkrirjen e Komisionit Parlamentar të Integrimit Europian, dhe a vlerësohet ky akt i njëanshëm i mazhorancës si një ngushtim i hapësirës së opozitës në procesin e integrimit, duke patur në konsideratë që për më shumë se 20 vjet ky komision është drejtuar vetëm nga përfaqësues të opozitës?
Në reagimin e tij, delegacioni i BE-së thotë se parlamenti shqiptar është një institucion kyç për cuarjen përpara të agjendës së reformave që lidhen me BE-në. Por sipas tyre, duhet konsensus.
“Parlamenti i Shqipërisë është institucioni kyç për çuarjen përpara të agjendës së reformave që lidhen me Bashkimin Evropian dhe për konsolidimin e progresit të arritur deri tani në kontekstin e procesit të anëtarësimit.
Në këtë drejtim, priten me padurim hapat konstituivë të parlamentit të ri, ndërsa integrimi në BE mbetet një përparësi ndërpartiake për ligjvënësit në legjislaturën e re parlamentare.
Për të qenë i suksesshëm, anëtarësimi kërkon konsensus ndërpartiak”, shprehet BE për "News 24".
Lini një Përgjigje