FLASH
Shkruar nga Pamfleti
Ka vijuar me debate seanca e sotme plenare mes demokratëve dhe socialistëve.
Deputeti Dashnor Sula shprehu gjithashtu kritika për shtyrjen e raportimeve të institucioneve të pavarura për në shtator.
Sula tha se arsyeja pse shtyhen është për shkak të personave që janë në konflikt interesi me institucionet e drejtësisë, kryesisht SPAK.
"Zonja kryetare, ju tërheq vëmendjen shumë sinqerisht për qasjen tuaj në raport me institucionet e pavarura e pafalshme të shkelësh kushtetutën dhe rregulloren e kuvendit, ku thuhet se institucionet e pavarura jo më vonë sesa qershori i vitit pasardhës të raportojë në Kuvend dhe të miratojë rezolutat e tyre, është antikushtetuese që kuvendi i ri të marrë në shqyrtim raportimin e institucioneve të pavarura në komisionet parlamentare. Pse ndodh kjo? Arsyeja është se në komisione ka persona që kanë konflikt interesi me institucionet e pavarura. Kjo shmangie është e qëllimshme. Po aludohet se keni konsultë me qytetarët për këto raporte, nuk ka ndodhur kurrë. Pse sot në këtë sesion të fundit po ndodh një praktikë e tillë. Ka qëllimshmëri për të shmangur, sidomos SPAK", u shpreh Sula.
Lini një Përgjigje