FLASH
Shkruar nga Pamfleti
Në Kuvend prej disa orësh po zhvillohet seanca ku po raportojnë drejtuesit e institucioneve të drejtësisë. Pas Prokurorit të Përgjithshëm, Olsian Çela, raportin vjetor në Kuvend e paraqiti kreu i SPAK, Altin Dumani.
Ndërkohë një prej deputetëve të opozitës, Erald Kapri nga ‘Mundësia’ i ka bërë thirrje Prokurorisë Speciale që të mos ndalet në misionin e saj.
Ai tha se inkurajon SPAK që të mos intimidohet nga deklaratat e kryeministrit Edi Rama, pasi sipas tij, është një mision historik që të vendosni para drejtësisë këdo.
“Në këto 35 vite shqiptarët kanë vvuajtur nga mungesa e drejtësisë. Është fakt që shqiptarët nuk kanë marrë pronat e tyre dhe kanë qenë të goditur nga pushteti arbitrat. Dhe në fakt, liria ekonomike është selektive, se kush fiton dhe kush duhet të qëndrojë.
Ka kohë që thuhet ne po kthehemi në një ‘Republikë Prokurorësh’ dhe po të ishte kështu, do të ishte mirë, sepse problemi më i madh mbetet pandëshkueshmeria. Çfarë do që bënin njerëzit me pushtet askush nuk prekej. Unë jam nga ata që mendoj se nuk duhet ta mohojmë punën e SPAK, sepse ky institucion ka goditur individë me pushtet. Por kjo nuk është e mjaftueshme. Kur arrestohen ministria, dhe kryeministri mbetet i paprekur, kjo nuk është drejtësi.
Unë dua të inkurajoj prokurorët e SPAK që të mos intimidohen nga kërcënimet e Kryeministri kur iu thotë: mos guxoni të prekni telefonin tim. Sepse ky është një mision historik që të vendosni para drejtësisë këdo”, tha Kapri.
Lini një Përgjigje