FLASH
Shkruar nga Pamfleti
Një ngjarje e rëndë tronditi Kosovën mesditën e sotme. Mësohet se dy persona mbetën të vrarë ndërsa 2 te tjerë u plagosën pas të shtënave me armë zjarri në Gjilan.
Raportohet se viktimat janë babë e bir, ndërsa autori i dyshuar është Mefail Shkodra. Policia ka shpallur në kërkim autorin, i cili është emër i njohur për policinë.
Bëhet me dije se konflikt dyshohet se ka ardhur si pasojë e fajdes. Rasti është konfirmuar edhe nga zëdhënës polici për rajonin e Gjilanit, Ismet Hashani, i cili njoftoi se në vendin e ngjarjes kanë shkuar policia dhe prokurori i shtetit.
Policia e Kosovës në bashkëpunim me Prokurorinë po hetojnë për të zbardhur shkaqet dhe rrethanat e këtij rasti.
“Ju njoftoj se sot 10.08.2025 rreth orës 12:32 dyshohet se ka ndodhur një rast vrasje dhe plagosje me armë zjarri në Gjilan rr. “Ibrahim Rugova". Në këtë rast mjeku kujdestar e ka konstatuar vdekjen e dy personave, dyshohet se edhe dy persona të tjerë janë plagosur dhe u është ofruar ndihmë në qendrën emergjente këtu në Gjilan. I dyshimtë për rastin është personi mashkull shtetas i Kosovës i njohur për policinë i cili për momentin është në arrati. Në vendin e ngjarjes kanë dalë njësitet relevante dhe prokurori i shtetit. Policia e Kosovës, Njësitet e hetimeve rajonale në bashkëpunim me Prokurorin e Shtetit po i hetojnë rrethanat e këti rasti të rëndë”, njoftoi Ismet Hashani, zëdhënës i Policisë në Gjilan.
Lini një Përgjigje