FLASH
Shkruar nga Pamfleti
Tre persona kanë mbetur të plagosur me armë zjarri mbrëmjen e së premtes në Prishtinë. Ngjarja ka ndodhur rreth orës 19:00 në lagjen “Lakërishtë”.
Policia njoftoi se dy të dyshuarit për rastin janë identifikuar dhe po ndërmerren veprimet hetimore për arrestimin e tyre, si dhe po punohet për zbardhjen e plotë të rastit.
“Sot rreth orës 19:00 policia ka marrë informatën për një plagosje me armë zjarri të ndodhur në lagjen Lakrishte në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare dyshohet se me armë zjarri janë plagosur tre persona, të cilët janë dërguar për tretman mjekësor. Hetuesit policor në koordinim me prokurorinë, po ndërmarrin veprimet hetimore për arrestimin e dy personave të dyshuar ( të cilët janë identifikuar) si dhe ndriçimin e plotë të rastit”, njofton policia.
Lini një Përgjigje