Kosova 4 Maj 2023, 14:23

Partitë pro-ruse nxisin Malin e Zi të tërheqë njohjen e Kosovës

Shkruar nga Pamfleti

Partitë pro-ruse nxisin Malin e Zi të tërheqë njohjen e

Partitë në Mal të Zi që kanë qëndrim pro-rus kanë inicuar tërheqjen e njohës për Kosovën.

Fronti Demokratik pro-rus, i cili ka pushtet absolut në Zetë, komuna më e re në Mal të Zi, mori vendim për miratimin e një Deklarate, me të cilën, siç thanë ata, njohja e pavarësisë së Kosovës nuk do të vlejë në atë territor, raporton Radio Evropa e Lirë.

Kjo komunë, e cila ndodhet në rrethinën e pabanuar të kryeqytetit malazez, Podgoricë, do ta shprehë mendimin e saj për këtë dokument në seancën e fundit të majit.

Pavarësia e Kosovës u njoh nga Qeveria e Malit të Zi në vitin 2008, kur në pushtet ishte Partia Demokratike e Socialistëve (DPS) e Milo Gjukanoviçit, e cila në gusht 2020 humbi zgjedhjet nga Fronti Demokratik pro-serb dhe pro-rus, Demokratët dhe Lëvizja URA.

Së fundmi, Gjukanoviç ka pësuar disfatë edhe në zgjedhjet presidenciale dhe zyrtarisht më 24 maj duhet t’ia dorëzojë atë post presidentit të sapo zgjedhur, Jakov Milatoviç, i cili deklaroi se nuk do të ketë tërheqje të njohjeve të Kosovës.

 

parti pro-ruse kosove njohje mal i zi