FLASH
Shkruar nga Pamfleti
Kryetari i Tetovës, Bilal Kasami tha se kryeministri Albin Kurti e përkrah frontin opozitar shqiptar në Maqedoninë e Veriut.
Vizita e Kurtit në Maqedoninë e Veriut u konsiderua private e nga dikush edhe përçarëse dhe u pa në kuadër të bashkëpunimit të Lëvizjes Vetëvendosje me opozitën shqiptare atje. Shefi i Qeverisë së Kosovës nuk e pranoi qartësisht këtë, por tha se vizita e tij ishte “kryekëput shkaku i ftesës që kam pasur”.
“Qeveria nuk ia doli ta fshehë apo kontrollojë frikën nga humbja në zgjedhjet e ardhshme, sidomos kur në pah doli fronti opozitar i bashkuar dhe me një përkrahje nga kryeministri i Kosovës Albin Kurti”, shkroi Bilall Kasami në Facebook.
Ai përmendi qeverinë dhe presidentin e Malit të Zi, Stevo Pendarovski, që reaguan duke dënuar mënyrën e organizimit të ngjarjeve.
“E kuptojmë shqetësimin e Presidentit dhe Qeverisë, të cilës për çudi me përkrahje e reagime i doli krah edhe Beogradi, dhe e dimë se retorika e këtillë politike, nuk ka të bëjë aspak me vizitën e Albin Kurtit, por ka të bëjë me shqetësimin se opozita shqiptare në RMV po bashkohet dhe kësisoj ia numëron ditët kësaj qeverie të krimit dhe korrupsionit/ Ardhja e kryeministrit Kurti sa ishte respekt dhe nder për shqiptarët e Maqedonisë së Veriut, po aq ishte edhe respekt për shtetin e Maqedonisë së Veriut, me të cilin është nënshkruar memorandumi i projektit të përbashkët, rrugës Tetovë-Prizren”, shtoi Kasami.
Lini një Përgjigje