FLASH
Shkruar nga Pamfleti
Një djalë 2-vjeçar arriti të vrasë një kobër helmuese duke e kafshuar në kokë.
Govinda Kumar reagoi pasi gjarpri iu mbështoll rreth krahut ndërsa ai po luante jashtë shtëpisë së tij, në fshatin Bankatwa në Indi.
Të afërmit thanë se djali e pa gjarprin dhe i hodhi një copë tullë, duke bërë që gjarpri të reagojë dhe të sulmojë.
Por ai reagoi shpejt, duke e kafshuar gjarprin në kokë dhe duke e vrarë pothuajse menjëherë. Megjithëse e vrau gjarprin, Govinda humbi ndjenjat pak më vonë, për shkak se kishte gëlltitur një pjesë të kobrës.
Ai u dërgua me urgjencë në një qendër shëndetësore lokale përpara se të transferohej në spital në Bettiah për trajtim. Dr. Surab Kumar, i tha The Telegraph: "Trajtimi në kohë i shpëtoi jetën Govinda. Helmi ndikoi tek ai, por jo në mënyrë fatale. Fëmija kishte ngrënë një pjesë të kobrës dhe helmi kishte kaluar në traktin e tretjes, ndryshe nga rastet kur kobrat kafshojnë dhe helmi hyn në gjak duke shkaktuar neurotoksicitet. Gjendja e fëmijës është aktualisht e qëndrueshme dhe trajtimi po jepet nën mbikëqyrjen e mjekëve.
Kobrat janë jashtëzakonisht helmuese dhe helmi i tyre mund të vrasë një njeri brenda pak orësh duke paralizuar sistemin e frymëmarrjes.
Ata janë një nga katër llojet e gjarpërinjve më helmues në Indi.
Lini një Përgjigje