FLASH
Shkruar nga Pamfleti
Elvana Gjata dhe Flori Mumajesi, krahas hiteve që na kanë dhuruar ndër vite, gjithmonë kanë qenë në qendër të vëmendjes edhe për diçka tjetër… historisë së tyre (të dashurisë). Prej disa vitesh ata kanë shkëputur çdo kontakt me njëri tjetrin, duke mos qenë as bashkëpunëtorë e as miq…
Por me postimet e tyre të fundit në Instagram, u duk se dy artistët po komunikonin me njëri-tjetrin “me kode”.
Ishte Flori ai i cili në mesnatë, duket se kishte hapur arkivat dhe publikoi një këngë të 7 viteve më parë. Bëhet fjalë për bashkëpunimin e tij me reperin 2po2, të titulluar “Gone Girl”. Një këngë e shkruar nga ata vetë, në të cilën rrëfehet një histori e mbyllur dashurie dhe dhimbjen që ajo ka lënë pas.
Dhe vetëm 2 orë më pas, ishte radha e Elvanës për të hapur arkivat. Teksa postoi një selfie në Instagram, ajo e shoqëroi me një ndër hitet e saj të para 8 viteve. Artistja kishte zgjedhur këngën “Afër dhe larg” dhe gjejeni firmën e kujt mban teksti i saj? Pikërisht Flori Mumajesit. Kënga në flet po ashtu për një histori dashurie me ulje-ngritjet e saj. Që nga titulli, është një mesazh shumë i mirë për ex-in.
Nuk e dimë me siguri nëse kjo është mënyra që Flori dhe Elvana kanë zgjedhur për t’i dërguar mesazhe njëri tjetrit, apo e gjitha është një rastësi e këndshme (e cila vështirë të ndodhë në mënyrë kaq perfekte).
Lini një Përgjigje