FLASH
Shkruar nga Pamfleti
Luiz Ejlli pritet të rikthehet në ekranin e Top Channel, por kësaj here jo si konkurrent apo personazh reality show, por në rolin e moderatorit të një programi të ri televiziv.
Burime pranë televizionit konfirmojnë se këngëtari dhe fituesi i “Big Brother VIP Albania” është përfshirë në një projekt të ri që pritet të nisë së shpejti në ekranin e Top Channel.
Edhe pse detajet mbi formatin e emisionit mbeten ende të rezervuara, mësohet se bëhet fjalë për një produksion të rëndësishëm, për të cilin kanë nisur edhe përgatitjet konkrete.
Në ambientet e televizionit po punohet për ndërtimin e një studioje të re dhe madhështore, e cila do të jetë e dedikuar posaçërisht për programin që do të drejtohet nga Luiz Ejlli.
Deri më tani nuk është bërë publike natyra e emisionit, nëse do të jetë format argëtues, talk show apo spektakël prime-time, ndërsa mungojnë edhe detaje mbi datën zyrtare të nisjes.
Megjithatë, lajmi për rikthimin e Luizit në Top Channel ka ngjallur menjëherë reagime dhe interes të madh në rrjetet sociale, ku fansat e tij kanë shprehur entuziazmin për ta parë në një tjetër sfidë televizive.
Lini një Përgjigje