Nëse keni blerë një telefon inteligjent së fundmi, ndoshta keni vënë re një gjë, një kartë SIM plastike nuk është më e nevojshme për të përdorur rrjetin celular. Në vend të kësaj, përdoruesit thjesht e aktivizojnë pajisjen e tyre, duke përdorur një kod QR. Teknologjia që qëndron pas kësaj quhet eSIM dhe tashmë po përdoret si pasardhëse e kartës klasike SIM.
Ndërsa në të kaluarën përdoruesit thjesht ndryshonin kartën SIM kur ndryshonin operatorët, me eSIM kërkohet një qasje e ndryshme. Përdoruesit shkarkojnë një profil dixhital, zakonisht duke skanuar një kod QR. Aktivizimi zgjat vetëm disa minuta.
Çfarë është saktësisht një eSIM?
eSIM është një çip i vogël që prodhuesit e ngulisin përgjithmonë në një telefon inteligjent. Shkronja "e" vjen nga fjala embedded, që do të thotë "i integruar". Ndryshe nga një kartë SIM plastike, ky çip nuk mund të hiqet ose të zëvendësohet fizikisht. Të gjitha të dhënat e rëndësishme, siç është numri i telefonit dhe informacioni i kontratës, ruhen në mënyrë dixhitale në atë çip, shkruan revista Fenix.
Ne kete menyre Vellai i Madh e ka me te lehte tju vezhgoje. Dhe ju e keni me te veshtire ti fshiheni. Welcome to the Matrix Neo! :)