FLASH
Shkruar nga Pamfleti
Arsenali ka koleksionuar fitoren e katërt radhazi në Premier Ligë, duke mundur pastër 3-0 Bërnmuthin.
Vendasit e nisën ndeshjen në sulm, duke rrezikuar disa herë portën e kundërshtarit.
Në minutën e 20, Bukajo Saka vendosi në provë portierin Traverz, por ishte e menjëhershme përgjigja e “gardianit”, i cili neutralizoi topin.
Në minutën e 42, Haverc fitoi penallti për skuadrën e Artetës, 11-metërsh ky që për konfirmimin, u nevojit ndërhyrja e sistemit VAR. Nga pika e bardhë nuk fali Saka, ekzekutim perfekt i anglezit.
Arsenali vendosi ndeshjen në “shinat e duhura” në minutën e 70, me Troshard që finalizoi ashtu si duhet një aksion me shumë pasime.
Semenjo ndezi shpresën mysafire, por vetëm përkohësisht, pasi goli i tij u anulua për shkak të një faulli ndaj portierit Raja.
Pavarësisht rezultatit që nuk linte shumë hapësirë për diskutime, ritmi ishte i kënaqshëm edhe në fundin e sfidës, madje pati kohë edhe për një gol të Rajs.
Arsenali kështu shkon në kuotën e 83 pikëve në krye të klasifikimit, 4 më shumë se Siti që ka luajtur 2 ndeshje më pak.
Rivaliteti për titullin kampion duket i ashpër, me Premier Ligën që premton emocione deri në javën e fundit.
Lini një Përgjigje