FLASH
Shkruar nga Pamfleti
Të gjitha parashikimet e fundit e vendosin Jürgen Klopp si favorit për të marrë drejtimin teknik të Real Madridit. Mediat spanjolle raportojnë se presidenti Florentino Perez ka shfaqur interes konkret dhe se trajneri gjerman është tashmë i informuar për qëllimet e klubit madrilen.
Sipas portalit Defensa Central, nuk ka pasur ende një qasje të drejtpërdrejtë mes palëve, por kontakte përmes ndërmjetësve dhe personave të afërt me Kloppin. Megjithatë, Real Madridi i njeh tashmë kërkesat e trajnerit gjerman, të cilat konsiderohen vendimtare për dhënien e “dritës jeshile” nga Florentino Perez.
Klopp ka kërkuar realizimin e katër lëvizjeve specifike në merkato. Prioriteti i tij kryesor është përforcimi i mesfushës, ku ai ka propozuar afrimin e Nico Paz dhe Adam Wharton. Paralelisht, trajneri gjerman kërkon edhe dy mbrojtës qendrorë, me emrat e Nico Schlotterbeck dhe Jacobo Ramón që përmenden si alternativa kryesore.
Së fundi, ish-trajneri i Liverpoolit ka vendosur si kusht edhe rikthimin e sulmuesit Endrick nga Lyoni, duke e konsideruar këtë lëvizje pjesë të rëndësishme të projektit të tij të mundshëm te Real Madridi.
Lini një Përgjigje