FLASH
Shkruar nga Pamfleti
MekLaren ka qenë protagoniste absolute në Garën Sprint të Çmimit të Madh të Miamit në Formula 1, duke siguruar dy vendet e para me Lando Norris dhe Oskar Piastri. Gara e shkurtuar me 19 xhiro në pistën amerikane u diktua nga ritmi i lartë i skuadrës britanike.
Lando Norris, kampioni në fuqi i botës, kaloi i pari vijën e finishit, duke lënë pas shokun e tij të skuadrës, Oskar Piastri. Kjo shënon fitoren e parë të Norris këtë sezon, ndonëse në formatin Sprint.
Sharls Leklerk siguroi vendin e tretë për Ferrarin. Piloti monegask arriti të mbrohet me sukses në fazat e para të garës ndaj presionit të Andrea Kimi Antonelit, duke ruajtur pozicionin deri në fund.
Antoneli, i cili kryeson aktualisht kampionatin, nuk pati një nisje të mirë dhe u detyrua të rikuperojë gjatë garës. Në fund, ai u përfshi në një duel me shokun e skuadrës Xhorxh Rasëll për vendin e katërt, duke arritur ta fitojë këtë pozicion.
Maks Vershtapen mbeti jashtë pesëshes së parë, duke u renditur në vendin e gjashtë. Piloti holandez la pas Luis Hamilton, shtatë herë kampion bote.
Në dhjetëshen më të mirë të Garës Sprint u renditën gjithashtu Pier Gasli, Isak Hadjar dhe Franko Kolapinto.
Lini një Përgjigje