FLASH
Shkruar nga Pamfleti
Presidenti i Real Madridit, Florentino Perez, ka vendosur si prioritet transferimin e yllit të Manchester Cityt, Erling Haaland, gjatë verës së vitit 2026.
Real Madridi aktualisht po kalon një periudhë të vështirë në aspektin sportiv, dhe drejtuesit e klubit kanë nisur analizat për të gjetur shkaqet e kësaj krize dhe për të forcuar skuadrën për sezonin e ardhshëm.
Sipas gazetarit Florian Plettenberg, objektivi kryesor i klubit nuk është askush tjetër përveç Haaland, i cili vazhdon të shkëlqejë te Manchester City.
Në bazë të këtij raportimi, Perez e sheh norvegjezin si “shpëtimtarin” e Real Madrid, megjithatë është në dijeni se klubi madrilen nuk do ta ketë të lehtë një afrim të tillë.
Haaland ka kontratë afatgjatë me Cityn dhe një nënshkrim i mundshëm padyshim do ta tejkalonte shifrën prej 150 milionë eurove.
Mirëpo, lajmi pozitiv për gjigantin spanjoll është se Haaland nuk do ta refuzonte kalimin në “Santiago Bernabeu”, pasi e sheh Realin si klubin e ëndrrave dhe është fans tepër i madh i futbollit spanjoll.
Mbetet të shihet nëse do të realizohet një transferim i tillë që padyshim do të niste një epokë të re galaktikësh te klubi më i madh në botë.
Lini një Përgjigje