FLASH
Shkruar nga Pamfleti
Pas humbjes së Interit në finalen e Champions League, Antonio Cassano ka reaguar me tone të ashpra ndaj trajnerit Simone Inzaghi. Në një intervistë për mediat italiane, Cassano e cilësoi këtë disfatë si “humbjen më të keqe në një finale Championsi” dhe akuzoi Inzaghin për mungesë ndryshimi në katër vitet e fundit.
“Mund të kishte qenë një gëzim, por Interi u shkatërrua nga çdo pikëpamje. Personaliteti, cilësia e lojës, idetë. Mund të jesh me fat një herë, dy herë ose tre herë, por kishte një ndryshim të madh. Dhe duhet të marrësh në konsideratë që ata nuk kishin ekipin më të mirë në historinë e tyre. Trajneri nguliti idenë e të luajturit ndeshjen kokë më kokë, mendoj se Dembele bëri presion ndaj portierit 70 herë, duke ua hequr mundësinë zikaltërve të fillonin nga mbrojtja. Humbja më e keqe në një finale të Ligës së Kampioneve”, tha ai.
Cassano theksoi se trajneri nuk ka bërë asnjë ndryshim në stilin e lojës gjatë gjithë kohës që ka qenë në krye të Interit, duke e konsideruar këtë si një nga arsyet kryesore për dështimin në finalen e madhe. Ai shtoi se mungesa e fleksibilitetit dhe përshtatjes ndaj kundërshtarëve ka qenë fatale për skuadrën.
“Interi është shumë ‘i kuptueshëm’. Ata nuk kanë lojtarë një-me-një. Shikoni çfarë bëri Doue në anën tjetër, Barkola kur hyri në fushë, Kvara dhe Dembele. Interi e luan këtë ndeshje, për disa luan mirë, për të tjerët keq, por është shumë e parashikueshme. Doue i shkatërroi, Kvara luajti gjithashtu si mbrojtës i krahut. Ishte një ndeshje e shkëlqyer. Shkoi mirë kundër Bajernit dhe Barcelonës, por kanë mbetur 3-4 hapa për të fituar Ligën e Kampioneve. Në një mënyrë ose në një tjetër mund të arrish në finale siç bëri Juventusi i Alegrit, por pastaj të mungon personaliteti, cilësia, një mijë gjëra të tjera që të çojnë në humbje. Do të jetë e vështirë të ngrihesh përsëri, të kuptosh me kë të fillosh përsëri, do të jetë shumë e vështirë, të mbetet në mendje sikur e mbajta me vete 4-0 kundër Spanjës për një kohë të gjatë”, shtoi ai.
Kritikat e Cassanos vijnë në një moment të vështirë për Interin, i cili nuk arriti të kurorëzojë një sezon të mirë me një trofe të rëndësishëm. Deklaratat e tij kanë ngjallur debat në opinionin sportiv italian, duke ngritur pyetje mbi të ardhmen e Inzaghit në krye të skuadrës.
“Është e kotë të kërkosh faj, është si të qëllosh kryqin e kuq në këtë ndeshje për Interin dhe Inzagin. Çfarë mund të kishte ndryshuar? Edhe nëse do të doje të ndryshoje: nëse nuk ke ndryshuar kurrë në 4 vjet, nuk është se zgjohesh në mëngjes dhe provon gjëra të reja. Problemi është se 4 ndryshimet e para të Interit ishin 3 mbrojtës dhe Zalevski. Mundohu të ndryshosh diçka, të bësh një ndryshim…”, përfundoi Casano.
Lini një Përgjigje