FLASH
Shkruar nga Pamfleti
Barcelona shfrytëzoi në maksimum hapin fals të Real Madridit në Pamplona dhe u rikthye në krye të La Ligës pas një fitoreje bindëse 3-0 kundër Levantes në Spotify Camp Nou këtë të diel.
Skuadra e Hansi Flickut reagoi menjëherë pas disa rezultateve jo të mira dhe dërgoi një sinjal të fortë në garën për titull. Blaugrana dominoi nga minuta e parë dhe vendosi gjithçka në kontroll që në pjesën e parë ku vetëm në minutën e 4-t Marc Bernal talenti 18-vjeçar hapi rezultatin duke goditur topin në rrjetë nga afër pas asistit të saktë të Eric Garcías.
Më pas në minutën e 32-t Frenkie de Jong dyfishoi avantazhin me një goditje të fuqishme nga qendra e zonës pas asistit të shkëlqyer të João Cancelos i cili ishte lojtari më i mirë në fushë sot me vizion dhe kreativitet të lartë duke shkuar në pushim me 2-0.
Në pjesën e dytë Barcelona vazhdoi të kontrollonte lojën pa u lodhur dhe gol i tretë erdhi në minutën e 81-t nga Fermín López si zëvendësues i cili shënoi një goditje spektakolare me të majtën nga jashtë zonës pas asistit të mrekullueshëm të Lamine Yamalit duke mbyllur rezultatin 3-0 final.
João Cancelo shkëlqeu me asistet dhe performancën e tij gjithëpërfshirëse Frenkie de Jong shënoi golin e rëndësishëm ndërsa të rinjtë si Bernal Yamal dhe Fermín me 12 kontribute golash në 2026 deri tani treguan sërish potencialin e tyre të madh.
Me këtë triumf Barcelona arrin 61 pikë pas 25 ndeshjeve duke kaluar Real Madridin që ka 60 pikë pas humbjes dramatike 2-1 ndaj Osasunas dje në Pamplona me gol vendimtar në shtesë nga Raúl García.
Katalanasit rimarrin kreun e tabelës me një pikë diferencë ndërsa Levante mbetet në fund me 18 pikë thellë në zonën e rënies pozicioni 19-të.
Lini një Përgjigje