FLASH
Shkruar nga Pamfleti
Kombëtarja shqiptare zbret sot në fushë për ndeshjen e dytë miqësore të muajit qershor, ku do të përballet me Luksemburgun. Sfida vjen vetëm pak ditë pas humbjes minimale 1-0 ndaj Izraelit në stadiumin “Air Albania”, një rezultat që la shije zhgënjimi te kuqezinjtë.
Përballja me Luksemburgun përfaqëson një mundësi të mirë për Shqipërinë që të reagojë dhe të mbyllë me një rezultat pozitiv këtë grumbullim. Njëkohësisht, ekipi synon t’i dhurojë trajnerit Maran fitoren e parë në javën e tij debutuese në krye të përfaqësueses.
Tekniku italian ka vendosur të bëjë tre ndryshime në formacion krahasuar me ndeshjen e kaluar. Jashtë rreshtimit kanë mbetur Ajeti, Mehmeti dhe Broja, ndërsa vendin e tyre e kanë marrë Pllana, Bajrami dhe Uzuni.
Sa i përket mungesës së Mehmetit, ai nuk është i gatshëm për shkak të një viroze. Ndërkohë, Uzuni është rikuperuar plotësisht nga një gjendje e ngjashme shëndetësore, e cila e kishte lënë jashtë ndeshjes ndaj Izraelit.
Edhe pse bëhet fjalë për një ndeshje miqësore, takimi me Luksemburgun konsiderohet i rëndësishëm për stafin teknik. Maran do të ketë mundësinë të vlerësojë më nga afër lojtarët në dispozicion dhe të krijojë një ide më të qartë për formacionin bazë që do të përdoret në ndeshjet zyrtare.
Shqipëria do të rikthehet në angazhimet kompetitive në muajin shtator, kur do të nisë fushatën në Ligën e Kombeve, objektivi i radhës për kuqezinjtë.
Lini një Përgjigje