FLASH
Shkruar nga Pamfleti
Një duel i fortë dhe emocionues mes Romës dhe Milanit, i vlefshëm për javën e 22-të të Serisë A, u mbyll pa fitues, me rezultatin 1-1, në një përballje ku rastet dhe tensioni nuk munguan deri në vërshëllimën e fundit.
Kuqezinjtë e drejtuar nga Massimiliano Allegri kërkonin fitoren për të ruajtur hapin me kreun, por u ndalën nga kryeqytetasit, të cilët arritën të barazojnë falë një penalltie të realizuar nga Lorenzo Pellegrini në minutën e 74-të. Roma pati disa mundësi të arta për të përmbysur ndeshjen dhe për të siguruar fitoren e katërt radhazi në kampionat, por mungesa e saktësisë para portës bëri që takimi të mbyllej në barazim.
Në minutat e fundit, të dyja skuadrat kërkuan me ngulm golin e fitores, por pa sukses, duke u detyruar të ndajnë nga një pikë secila.
Me këtë rezultat, Roma ngjitet në vendin e tretë të renditjes së Serisë A, ndërsa Milani mbetet në pozitën e dytë, tashmë pesë pikë larg Interit kryesues. Pavarësisht barazimit, kuqezinjtë regjistruan ndeshjen e 21-të radhazi pa humbje në kampionat, duke konfirmuar vazhdimësinë pozitive.
Lini një Përgjigje