FLASH
Shkruar nga Pamfleti
Pas një sëmundje të rëndë, ka ndërruar jetë ish-hendbollistja, karateistja dhe atletja kosovare, Shqipe Bajçnica Brestovci.
Kanë qenë familjarët që kanë njoftuar për vdekjen e Shqipes, e cila ishte drejtuese në Komitetin Olimpik të Kosovës në vitet e fundit dhe profesoreshë në Universitetin e Prishtinës.
Presidenti i KOK, Ismet Krasniqi përmes një mesazhi ka ngushëlluar familjarët dhe komunitetin e sportit për ndarjen nga jeta të Bajçinca-Brestovci.
Shqipe Bajçnica Brestovci ka mbajtur poste shumë të rëndësishme në Federatën e Hendbollit të Kosovës. Së fundmi ishte kryetare e Shoqatës së Gjyqtarëve të Hendbollit dhe anëtare e Bordit të FHK-së. Ishte edhe delegate e Federatës Evropiane të Hendbollit, ish komisare e garave të FHK-së.
Në mënyrë aktive ishte marrë me karate, atletikë e hendboll. Në Fakultetin e Kulturës Fizike të Universitetit të Prishtinës ka qenë pedagoge për dy dekada e gjysmë.
Lini një Përgjigje