FLASH
Shkruar nga Pamfleti
Elementi më i fortë i kombëtares në këtë sfidë janë tifozët. Janë afro 50 “shqiponja kuq e zi” që janë duke u futur në stadiumin e Dortmundit...
Na ndajnë afro 2 orë nga ndeshja e madhe Itali-Shqipëri. Kombëtarja kuq e zi, do të luajë sot një ndër sfidat ndoshta më të rëndësishme të saj. Pas ëndrrës së kualifikimit në Euro 2024, kuq e zinjtë tani shpresojnë të sfidojnë kampionët në fuqi dhe pse jo të sigurojnë një vend kualifikues në fazën e ardhshme.
Elementi më i fortë i kombëtares në këtë sfidë janë tifozët. Janë afro 50 “shqiponja kuq e zi” që janë duke u futur në stadiumin e Dortmundit dhe ky stadium do të vishet me ngjyrat tona, pasi italianë janë afro 20 mijë dhe ndoshta zëri i tyre nuk do të arrijë asnjëherë të dëgjohet. Vetë mediat italiane e kanë tregur ankthin, pasi sipas tyre ky mur tifozësh mund të karikojë fort ekipin kuq e zi.
Dortmundi nuk ka parë ndonjëherë kaq shumë flamuj kuq e zi. Rrugët janë plot me tifozë të shumtë shqiptarë, të cilët janë veshur kuq e zi dhe mbajnë në duar, ose në krahë flamurin kombëtar. Shumë kërcejnë, këndojnë e festojnë shqip.
“Jemi banues në Gjermani, na kanë ardhur miq nga Shqipëria sot, nga Korça, atmosfera është e zjarrtë ka flamur kuq e zi dhe shqiptarë të shumtë. E vështirë për bileta, por kur do e gjen. Mendoj se dot do të jetë 2 me 1 rezultati”, tha një tifoz.
“Kam ardhur nga Tirana sot do fitojmë 1 me 1”, tha një tjetër.
Ndërkohë duket se gati është edhe kombëtarja. Kanë dalë pamjet nga dhomat e zhveshjes, ku duket se fanellat dhe gjithçka është gati.
Lini një Përgjigje