FLASH
Shkruar nga Pamfleti
Trajneri i Manchester City, Pep Guardiola, ka reaguar ndaj thashethemeve mbi transferimin e Erling Haaland te Barcelona.
Nisur nga fakti se Haaland shihet si një “nënshkrim ëndrrash” nga Barcelona, Guardiola tha: “a mund të më tregoni një klub që nuk do ta kishte Erling Haaland një ëndërr? Është e kuptueshme që Barcelona e dëshiron Erling dhe të gjitha ekipet në mbarë botën. Nëse Erling nuk do të ishte me ne, do të ishte një ëndërr e Man Cityt ta kishte Erling. Çfarë do të ndodhë? Sinqerisht, nuk e di.”
Guardiola gjithashtu theksoi situatën aktuale të Haaland te City.
“E di që ai ka një kontratë të gjatë këtu dhe mendoj se po luan shumë mirë, duke shënuar shumë gola. Kam ndjesinë se skuadra e ndihmon shumë dhe krijon shumë aksione që ai të shënojë. Ne luajmë gjithnjë e më mirë për të krijuar më shumë raste për të shënuar më shumë gola. Gjithmonë dua që skuadra të pësojë më pak dhe të krijojë më shumë”, tha Guardiola.
Mbi natyrën e paparashikueshme të futbollit pavarësisht performancave të forta, ai shtoi “është vetëm një lojë. Në futboll, mund të krijosh më shumë dhe të pranosh më pak dhe ta humbësh ndeshjen ose të mos fitosh. Është sporti i vetëm në botë. Golf, basketboll, hendboll, tenis, nëse statistikat janë më të mira, fiton. Në futboll, jo. Kjo është arsyeja pse nëse krijon 19 gjuajtje dhe nuk janë të mjaftueshme, duhet të krijosh 25; nëse nuk janë të mjaftueshme, duhet të jenë 35. Dhe kjo është ajo që duhet të bëjmë”.
Lidhur me kontratën dhe angazhimin e Haaland, ai shtoi: “mendoj se Erling nuk është aq budalla sa të nënshkruajë diçka që nuk do të donte ta arrinte. Kjo është e sigurt. Por, në futboll, kush e di çfarë do të ndodhë herën tjetër. Askush nuk e di.”
Lini një Përgjigje