FLASH
Shkruar nga Pamfleti
Seanca e parashikuar për shpalljen e pretencës së Prokurorisë së Posaçme (SPAK) ndaj Fatime Kryemadhit, Piro Xhixhës dhe Ema Çokut ka marrë një tjetër rrjedhë në Gjykatën e Posaçme Kundër Korrupsionit dhe Krimit të Organizuar.
Gjatë seancës, Fatime Kryemadhi, nëna e deputetes Monika Kryemadhi, ka deklaruar se nuk dëshiron të përfitojë nga gjykimi i shkurtuar, duke kundërshtuar akuzën e ngritur ndaj saj.
“Nuk dua gjykimin e shkurtuar. S’kam bërë pastrim parash”, është shprehur ajo para trupit gjykues.
Pas kësaj deklarate, gjykata është tërhequr për të shqyrtuar kërkesën e të pandehurës lidhur me procedurën e gjykimit.
Ndërkohë, trupa gjykuese ka rrëzuar kërkesën për shpalljen e moskompetencës dhe transferimin e çështjes për shqyrtim në Gjykatën e Tiranës, duke vendosur që dosja të vijojë të shqyrtohet në juridiksionin e GJKKO-së.
Në këtë proces gjyqësor, përveç Fatime Kryemadhit, të pandehur janë edhe Piro Xhixho dhe Ema Çoku, ndërsa SPAK pritet të paraqesë pretencën e tij pas zhvillimeve procedurale në seancë.
Keta jane te gjithe per te mo i nxjerre kurre nga burku me soj e sorrollop.