FLASH
Shkruar nga Pamfleti
Pas 26 vitesh rihapet dosja e vrasjes së dy shqiptarëve, që u ekzekutuan në vitin 1999 në Essen-Schonnebeck.
Krimi ka mbetur i pazbardhur, ndërsa krimi i dyfishtë është konsideruar nga autoritetet gjermane si një vrasje mafioze, referuar dyshimeve se dy shqiptarët ishin përfshirë në trafikun e drogës.
Altan. B dhe Alban. M mbetën viktima të breshërive me armë zjarri, në një pritë të organizuar më 7 qershor të 1999, ndërsa ata u ekzekutuan me plumba në kokë dhe në trup.
Kjo është arsyeja pse dy hetues nga policia e Essen po rihapin tani çështjen.
Policët në pension Detlef Büttner dhe Michael Detscher po bëjnë një përpjekje tjetër për të arritur atë që skuadra prej 20 anëtarësh e vrasjeve e udhëhequr nga kryeinspektori Klaus Ëelski nuk ishte në gjendje të bënte: të zgjidhte vrasjen e dyfishtë gjakftohtë dhe t’i vendoste autorët pas hekurave.
Një telefonues anonim kontakton policinë e Essen. Pati të shtëna pas shtëpisë së azilkërkuesve në Garnbleiche. Disa patrulla nxitojnë në vendin e krimit. Në një rreth rrotullim ata hasin një Ford Escort me targa të Essen. Në të djathtë dhe në të majtë shtrihen trupat e latë me gjak të shqiptarëve 20 dhe 24 vjeçarë dhe një numër i madh gëzhojash të kalibrit 7.65 milimetra të përdorura në mjedisin kriminal të asaj kohe.
Një nga viktimat ende mban çelësin e makinës në dorë, sedilja e shoferit të Fordit është palosur përpara dhe xhaketat e viktimave ndodhen në sediljen e pasme. Burrat mund të kenë qenë gati të largoheshin kur u befasuan nga të shtënat fatale.
Natën e krimit hetuesit arrestuan pesë shqiptarë në zonën e qytetit. Mirëpo, gjatë marrjes në pyetje rezulton se ndaj tyre nuk kishte dyshime të arsyeshme. Ata nuk mund ose nuk duan t’i japin policisë ndonjë informacion të vlefshëm– ndoshta për vetëmbrojtje.
“Këto marrje në pyetje janë një histori shumë e ndjeshme. Me çdo deklaratë, ata rrezikojnë të inkuadrohen për shpërndarje droge ose të përballen me hakmarrje nga mjedisi si tradhtarë të ekspozuar”, tha në atë kohë një oficer i policisë kriminale.
Dy viktimat e krimit të rëndë kishin disa kohë që kryenin pazaret e tyre të drogës në Essen. Policia i konsideron shqiptarët e Kosovës, disa prej të cilëve kanë trajnime ushtarake, si luftëtarë brutalë të vetmuar, të cilët veprojnë pamëshirshëm ndaj konkurrentëve sa më shumë të shtrëngohet tregu. Thuhet se këta djem nuk kanë asgjë për të humbur pasi kanë ikur nga atdheu i tyre i shkatërruar nga lufta.
Sipas policisë, fakti që shtëpia e azilkërkuesve në Garnbleiche në veçanti u shndërrua në një qendër të preferuar në vitet 1990 është kryesisht për shkak të vendndodhjes së saj të favorshme.
Hetimi
Rihapja e çështjes duket se do të fokusohet në një drejtim tjetër. Mendohet se arsyeja e atentatit është se një prej viktimave kishte krijuar një marrëdhënie me bashkëshorten e bosit të drogës, i cili në atë kohë ndodhej në burg.
Bosi duket se dyshonte edhe se viktima kishte përvetësuar shuma të mëdha parash nga pazaret e drogës, arsye këto mëse të mjaftueshme për ta eliminuar.
Altan B. dhe Alban M. me siguri u thirrën për ekzekutimin e tyre me telefon, pa e ditur se çfarë i priste. Dy persona të armatosur qëlluan ndaj burrave nga një distancë e afërt, një i tretë ishte ulur në një makinë të kuqe në të cilën autorët u larguan pas vrasjes.
Lini një Përgjigje