Aktualitet25 Maj 2023, 22:17

“Ishte i pandehur për masakrën e Peshkëpisë”, Klodiana Lala debaton ashpër me zëdhënësin e Belerit: Është arrestuar për blerje votash

Shkruar nga Pamfleti

“Ishte i pandehur për masakrën e Peshkëpisë”,

Gazetarja Klodiana Lala ka debatuar ashpër me zëdhënësin e fushatës së Belerit, Skerdjan Dhuli sa i takon arrestimit në flagrancë të kandidatit të "Bashkë Fitojmë". 

Skerdjan Dhuli, zëdhënësi i fushatës së kandidatit të Himarës, deklaroi në emisionin “Të Paekspozuarit” se Fredi Beleri nuk është në burg për akuzat e bëra për masakrën e Peshkëpisë, apo të tjera, por për një çmenduri të Ramës pasi pa dy ditë përpara zgjedhjeve të 14 majit se PS-ja dilte humbëse në sondazhe.

Por gazetarja Klodiana Lala tha se Prokuroria e Krimeve të Rënda e ka mbyllur dosjen ndaj tij sepse Greqia nuk solli asnjë informacion për masakrën e Peshkëpisë në vitin 1994. 

Debati në studio:

Rakipi: Çfarë kontestoni ju në këtë rast? Ka përgjime ku Beleri ja jep paratë dikujt tjetër 400 mijë për 8 vetë dhe 300 euro për të infiltruarin. Nuk ka blerë vota Beleri në këtë rast?

Dhuli: Nëse provohet se Alfred Petro Beleri, po të duash i shtojmë edhe atë Dhionisis, paguan para për të blerë vota, do të shkoj unë t’i çoj cigare në burg dhe do të vij të të kërkoj ty falje publikisht. Prokuroria nuk thotë që Fredi Beleri jep lekë, thotë që shtetasi Pandeli Kokaveshi.

Lala: Prokuroria thotë që z. Beleri e instrukton të infiltruarin te Pandeli Kokaveshi dhe në momentin dhe në momentin që merren paratë ndërhyhet për t’u arrestuar. Cila është njohja mes Fredi Belerit dhe të infiltruarit?

Dhuli: Shtetasi Arsen Rama furnizonte me peshk lokalin e z. Beleri prej vitesh, jo tani.

Lala: Ju i mohoni bisedat mes Belerit dhe Arsen Ramës për blerje votash?

Dhuli: Unë nuk kam qenë gjatë bisedave. Unë jam zëri i tij politik, jo avokati, jam zyrtar i Partisë Demokratike. Një ditë para se të arrestohej Beleri më ka thënë tekstualisht: Këto ditë bëhu gati për sulme të ashpra.

Unë nuk i kam bërë publike kërcënimet dhe nuk trembem. Akuza ndaj z. Beleri ka qenë e hershme.

Rakipi: Ti ke qenë i vogël. Ka qenë i akuzuar për 4 njerëzit që kanë shkuar në Peshkëpi.

Lala: Ka qenë i pandehur zyrtarisht.

Dhuli: E dini se sa herë kalon kufirin z. Beleri njoftohet antiterrori nga policia?

Hoxha: Edhe kur kaloj unë në Greqi, antiterrori grek...

Lala: Prokuroria për Krime të Rënda e ka marrë të pandehur z. Beleri për masakrën e Peshkëpisë dhe çështja është pushuar sepse Greqia zyrtare nuk solli asnjëherë informacion për arrestimin e pjesëtarëve të organizatës MAVI dhe nuk vuri asnjë informacion në dispozicion për armët që ishin marrë nga Peshkëpia.

Dhuli: Fred Beleri nuk është në burg për masakrën e Peshkëpisë, por për një çmenduri të Edi Ramës. E dini pse i jam bashkuar unë fushatës së Fred Belerit?

Lala: Për këto thirrjet antishqiptare?

Dhuli: Po unë jam mysliman, jam lab, s’kam lidhje.

Hoxha: Po edhe Beleri lab është, nga Progonati.

Dhuli: Jam bashkuar jo vetëm si ish-zyrtar i PD-së për zonën e Himarës e që votoj vetë në atë zonë, por për të bërë zëdhënësin e tij në pjesën e imazhit. Beleri i ka të qarta vetë problematikat që ka patur. Pse shteti shqiptar për gjithë këto vite nuk e ka shqetësuar dhe dy ditë përpara zgjedhjeve, kur Ramës i shkuan sondazhet në tavolinë.

Lala: Fredi është marrë i pandehur për masakrën e Peshkëpisë dhe Greqia asnjëherë nuk solli informacion.

arrestimi belerit lala