FLASH
Shkruar nga Pamfleti
Ish-prokurori Eugen Beci ka folur lidhur me Kodin e ri Penal. Ai tha se disa nene i konsideron absurde. Beci kritikoi dënimin për çmimin tek shërbimet tek profesionet e lira dhe moszbatimin e kontratave administrative.
“Çmimi tek profesionet e lira më duket nen absurd, si dhe ndërhyrje në kontratën administrative, duke dënuar moszbatimin e kontratës. Këto dy nene, më duken absurde. Ishte koha që të krijohej një Kod i Ri. Jo gjithë Kodi është për t’u hedhur në kosh”, tha ai për “News 24”.
Ndërsa avokati Florian Bonjaku kundërshtoi penalizimin e mosparaqitjes së avokatit në gjyq. Të dy theksuan nevojën për reformim, por sipas tij, jo çdo nen i ri është i drejtë.
“Mosparaqitja nga avokati në gjyq që dënohet më duket absurde. Pse këtë sjellje e kthen në vepër penale, kur nuk është diçka e re. Aktualisht dënohet me gjobë, nuk ka pse kthehet në vepër penale”, u shpreh avokati.
Lini një Përgjigje